Gweithdrefnau Diogelu Cymru
Lansiwyd Gweithdrefnau Diogelu Cymru yn ystod yr Wythnos Ddiogelu Genedlaethol ar 11 Tachwedd 2019 ac maent wedi disodli Gweithdrefnau Amddiffyn Plant Cymru Gyfan a Pholisi a Gweithdrefnau Interim Cymru ar gyfer Amddiffyn Oedolion Agored i Niwed rhag Camdriniaeth.
Nid yw Gweithdrefnau Diogelu Cymru ar gael fel copïau print, maent ar gael ar ffurf ddigidol yn unig. Mae app Gweithdrefnau Diogelu Cymru ar gael i’w lawrlwytho ar gyfer dyfeisiau iPhone ac Android, ar yr Apple App Store a Google Play Store. Gellir eu gweld hefyd yn y Gymraeg neu’r Saesneg trwy ddilyn y linciau canlynol:
Mabwysiadodd Bwrdd Diogelu Rhanbarthol Caerdydd a’r Fro y gweithdrefnau yn ffurfiol ym mis Rhagfyr 2019 ac maent wedi datblygu rhaglen weithredu, a fydd yn cynnwys manylion am hyfforddiant a datblygu polisïau perthnasol.
Hyfforddiant Rhanbarthol Aml-asiantaethol
Cafodd Digwyddiadau Hyfforddi’r Hyfforddwr eu cyflwyno gan New Pathways ddechrau mis Chwefror. Enwebodd aelodau BDRh Caerdydd a’r Fro ymarferwyr i fynychu ar y disgwyliad y byddent yn gallu cyflwyno’r hyfforddiant i’w sefydliad unigol a hefyd i gynulleidfa amlasiantaeth ar ran BDRh Caerdydd a’r Fro.
Bydd dyddiadau’r hyfforddiant cyflwyno pellach yn cael eu cadarnhau yn y dyfodol agos.
Gofal Cymdeithasol Cymru Mae deunyddiau hyfforddi i gefnogi Gweithdrefnau Diogelu Cymru bellach ar gael drwy glicio ar y ddolen isod:
Safeguarding procedures – training materials (Children) | Hyb Gwybodaeth a Dysgu (gofalcymdeithasol.cymru)
Mae’r deunyddiau wedi’u gwahanu’n ddwy ran, plant a phobl ifanc ac oedolion ac yn dilyn yr adrannau a nodir yn Rhaglen Cymru ar gyfer Cymru. Mae pob adran yn cynnwys cyflwyniadau PowerPoint, nodiadau hyfforddwr, awgrymiadau ar gyfer taflenni ymarfer a senarios ymarfer.
Y Camau Nesaf
Byddwch yn cael y wybodaeth ddiweddaraf a byddwch yn cael diweddariadau rheolaidd drwy gylchlythyr ‘Y Wybodaeth Ddiweddaraf’ Bwrdd Diogelu Rhanbarthol Caerdydd a’r Fro (BDRh Caerdydd a’r Fro). Mae rhagor o wybodaeth hefyd ar gael drwy’r ‘sesiwn friffio 7 munud’.
Gweithdrefnau Diogelu Cymru – Briffio 7 munud – Ionawr 2020
Eich Cadw’n Wybodus – Cylchlythyr
Bydd y canllawiau cyflym canlynol yn rhoi gwybodaeth i ymarferwyr am y newidiadau allweddol mewn Diogelu Plant ac Oedolion:
GDG ‘Beth sy’n wahanol?’ Canllaw Cyflym i Diogelu Plant
GDG ‘Beth sy’n wahanol?’ Canllaw Cyflym i Diogelu Oedolion
Os oes gennych gwestiynau, e-bostiwch CardiffandValeRSB@caerdydd.gov.uk